الموضوع بيمشي إزاي؟

في الأول أكيد محتاجين نعرف شوية معلومات وتفاصيل أكتر عن مشروعك والهدف من الموقع اللي محتاج تعمله. وده عن طريق فورم بسيطة هنملاها لما تضغط على “طلب عرض سعر لموقعك” اللي فوق وهتبدأ تدخل بيانات الموقع وشوية تفاصيل تانية محتاجينها في عملية التقييم المبدئي للمشروع. خليك صبور ومتزهقش من أول تسعين سؤال
فريق الموقع هيبدأ يراجع البيانات والتفاصيل ونبدأ مرحلة التقييم المبدئي واللي على أساسه بنحاول نتوقع الوقت التقريبي والتكلفة المطلوبة لتنفيذ الموقع زي ما إنت عايزه. لاحظ إن دي بتكون تكلفة مبدئية مبنية على البيانات اللي وصلتنا لكن ممكن يكون في تفاصيل فنية أكتر هيحتاجها الموقع لو إتناقشنا فيه أكتر في مرحلة الإستعداد لتطوير الموقع.
بعد المناقشات والإيميلات الكتير رايحة وجاية، لو كل حاجة تمام بتبدأ تحجز دور لتطوير موقعك مع المجموعة اللي جاية وبندفع جزء من التكلفة أو إجمالي التكلفة حسب العرض اللي هنتفق عليه. في الفترة دي ولحد ما وقت المجموعة يبدأ، فريق الموقع هيبدأ يبعت إيميلات كتير تاني برضو عشان ندردش في التفاصيل وشوية أمور فنية للتجهيز لمرحلة تطوير الموقع. وإحنا ورانا حاجة!
لما وقت مجموعة المواقع اللي هيتم تنفيذها يبدأ، فريق الموقع هيبدأ يشتغل على موقعك وهنبعت كل فترة إيميلات باللي وصلناله واللي خلص عشان تتابع مراحل التطوير ولو عندك أي ملحوظات أو إضافات محتاجة تتنفذ هتقدر تبعتهلنا ونشتغل عليها لحد ما الموقع يكون جاهز ويطلع لايف. وبس كده الموضوع بسيط فعلا

لو في حاجة مش واضحة ومحتاج تتواصل معانا، ممكن تشوف الصفحة دي