عايزين ناس في التيم؟
هو إحنا اللي محتاجين نسأل الثقة والحماس إنك تشتغل مع تيم الموقع بتاعه معمول بالشكل ده جبته منين الحقيقة؟! بس عموما تقدر تبعتلنا السي في على الميل بتاعنا وهتلاقينا بنرد عليك خلال إسبوع أو إتنين بالكتير لو مشغولين .. ولأ إحنا مش زي الناس التانيين اللي مش بيردوا عليك بعد الإنترفيو .. طالما مش عميل عنده مشكلة يبقى هنرد عليك عادي متقلقش
ده الميل بتاعنا وبلاش سبام .. ومتنساش تسلم على العيلة وإنت بتجهز نفسك للهاند أوفر أول ما تستلم [email protected]
لو عجباك الدماغ دي فإحنا بندور علي الناس اللي تحت دول دلوقتي
لو تعرف حد شاطر ممكن تبلغ عنه، ولو شايف نفسك دماغ من دول إبعتلنا .. بس إفتكر إننا قولنالك بلاش!
حد جميل صبور وباله طويل ودبلوماسي وبتاع خناق
وحبيب قلبهم علشان بيسمع طلباتهم وبيعملهم اللي محتاجينه بسرعة ومش مهم إحنا.
العقل المدبر اللي بيسلكنا بعد كل مشروع بنلبسه
اللي بيقسم المشروع لأجزاء سهلة التيم يقدر يتعامل معاها ومسؤول عن تسليمات العملاء.
كائن شايف إن مشاكل الكون ممكن تتحل بأكواد نضيفة
اللي بيستخدمه العملاء في إدارة مواقعهم والمصايب كلها بتسمع عنده.
شخص لا هو في روقان الديزاينر ولا عمق الباك إند
اللي بيستلم من الديزاينر ويسلم التصميم للباك إند وشايف الإتنين بيشتغلوا غلط أساسا